بلوچی حالپہلا صفحہ

راجو بلوچ ءُ بلوچ ءِ چاگرد

ابدالکیوم

اے گالوار نیام ءَ ھچ شک نیست کہ کوہ سلیمان ءِ میتگ ءَ بوتگیں سیاہ کاری ءِ ویل ءَ مئے چاگرد ءِ نزوری پدر کتگ ۔۔۔ما دانی دیریگیں زمانگ ءِ بدیں رواجانی سرءَ زندگی ءَ گوازنگ ایں۔۔
بلے جوانیں گپ ایش انت کہ راجوبی بی ءِ کوش ءِ ویل رسانکدر سر سر بیگ ءَ پد ءَ ورنا آئی سرءَ ھڑت ھوڑت کرتگ ۔۔کہ اے یک زلمانہ ءُ بدیں کار اِنت ۔۔
ایشی نی ہرکس زان ایت کہ زلم انت ۔۔بلے ایشی ءِ گوست زانتی ھم شنگ بوتگ ۔۔۔بلوچ گوست زانتکار گوشنت کہ اے بلوچی رسم ءِ نہ انت بلکہ دوئمی راجاں گو دودءُربیدگی تبادلہ ءَ پدءَ مار گو ھور بوتگ ۔۔بلے نوں مئے چا گردءِ بھر انت ۔۔!!!
جست ءُپول اے نہ انت کہ اے دری رسم انت بلکہ سوال ایش انت کہ مادری رسم ءَ چون بے ھال کن ایں؟ 
ما چے کار کن ایں کہ اے کار ھلاس بیت؟ 
مئے گرءَ اینکس زور ھست اِنت کہ ایشی ءَ ھلاس کرت کن ایں ؟ 
یا مئے گرءَ ایکوا ھمے واہی سر کیت اے دری رسم اِنت ۔۔کہ مئے گرا بلوچ زال ءِ باز اِزت ءُجاگہہ است اِنت کہ بلوچ زال اگاں میڑہ بیارایت گڑءَ لشکر کشی ھلاس بیت یا ھون بشک بیت یا جنگ بندی بیت ۔۔۔!!!
یا ما ایشی سرءَ وتی واک ءُ وس ءَ دیم ءَ جنزان کن ایں کہ آئی ءِ روژنائی کوہ سلیمان ءِ ھر کنڈکنڈ ءَ پج ایت ۔۔ءُواکدارانی سرءَ ھمینکس زور بیت کہ مجرم دزگیر بنت گڑءَ چاگردءِ چارءُچنڈءَ مھلوک ءَ ھال ھوال رس ایت کہ اے بلوچیت ھلاپ اِنت اے ملکی آئین ءُکانود ھلاپ انت ءُاے میان استمانی ءُاسلامی کانودءِ ھلاپ اِنت بلکہ انسانیت ءِھلاپ ءَ میار اِنت گناہ اِنت۔۔۔
گڑءَ سماج نیمگ ءَ تبدیلی آتک بیت ناتے اولی رازءَ زالانی سیاہ کاری نام ءَ کوش بیت 
تی گپ ایش انت اے ویل نیام ءَ کوش ھمے پدر کنت کہ زالانی کشت ءُکوشی جندی وشی ءُ شاتکامی واستا بیگ انت 
اے ویل چہ پدر بیت کہ مردم چینکس بے ھس بوتگ انت کہ بے چارگیں زال ءِ کوش بوتگ مگر ھچ کماش ءَ جان بشکی واستا ھچ کار نہ کرت ۔۔۔
اے ویل چہ پدر بیت کہ بی ایم پی اے رنگ ءِ ویلانی ذمہ دار ھست انت کہ آ چاگرد ءِ سکیورٹی واستا نہ انت بلکہ سردارانی دیمپان انت ۔۔!!!
اے ویل چہ پدر بیت ءُاے باز وشیں گپ انت کہ ورنا بوتکگ ءَ آتکگ ۔۔۔راستی ءِ گپ زرت انت ۔۔چاگرد نیمگ ءَ نوکیں بنگپ ءِ سرءَ گالوار کنگ ءِ بنگیج بوتک ات۔۔
نوں ۔۔مئے ورنایانی ذمہ واری انت کہ آ چاگرد نیمگ ءَ اے رنگ ءِ زلم ھلاپ ءَ سینگ سپر بنت ۔۔۔!!!وتی وس ءُواک لائک ءَ کار بکن انت ۔۔۔!!!
اے کیس ءَ یکے ٹیسٹ کیس ءِ بگر انت گرءَ آ روش دیر نہ انت کہ ما یہ روژن ءُجوائیں چاگرد ےجوڑکت کن ایں ۔۔باکی بلوچ نوجوان وتی جنکانی واستا دیم بیا انت ۔۔۔ایشانی رازءِ بھادر نہ انت کہ دنیا کل شار اشت کنت مگر اے شار گو ھمگام بنت ۔۔۔!!!ایشانی ھک ءِ جھد واستا وتی ٹوک ءَ چاگرد ءَ تالان کن انت ۔۔ !!!
دانکو مئے چاگرد دیم چن شت بیت دانکو ماوتی زالبولاں ءَ ھکاں نہ دےایں ۔۔۔!!!

ابدالکیوم ءِ سیادی گو کوہ سلیمان اِنت، آدم زانتی ءِ نودربر اِنت ، بازیں سیاسی ،زندمانی ءُ دودءُربیدگی بنگپ سرءَ نبشتہ کاری کنت ،بلوچ گوستانک ءُ ڈیھ ءِ باز باڑ اِنت ئِے

ءُ شائری دِہ ھم کنت
ٹیگز
Show More

متعلقہ خریں

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Close
Close