بلوچی حالپہلا صفحہ

نبشتانک: بلوچ نودربرانی جنجالیں زندمان

لطیف سخی

پروردگار ءَ بلوچ راج یک انچیں سرڈگارے ئِے واھند کرتگ کہ آ چہ ابرمی مال ءُ مڈّیاں چکار اِنت ۔ اگاں مئے راج وت اِے مڈّیاں کارمرز بہ کنت ءُ دگنیا ءِ دگہ مھلوک ءَ ھم بہ دنت انگت ءَ اے مڈّیانی تہ ءَ کمی نہ بیت۔ پمیشکا بازیں زور آوریں اِستان لوٹ اَنت کہ ما اِے سرڈگار ءِ مڈّیانی سر ءَ کبزہ بہ کن اَنت ءُ پہ وت اِش بہ بر اَنت۔

وک ڈالچار کنگ بُوّگ ءَ اَنت ءُ مئے مھلوک ءَ را بنشتی اُگبال رسگ ءَ نہ اَنت۔ ءُ روچ پہ روچ مئے مھلوک نوکیں اڈ ءُ جنجالانی تہ ءَ ایر بُڈّگ ءَ اَنت۔ بلے اِے جاورھالانی تہ ءَ انگت مئے مھلوک وت مہ وت جِیگ ماں

Beautiful stones of Balochistan
Beautiful stones of Balochistan

جیگ اَنت ءُ تپاکی نیست۔

دومی نیمگ ءَ مئے ورنائیں مھلوک نشاہ ءُ دگہ بازیں سلکاریانی آماچ اَنت بلے ایشانی گِر ءُ بند کنگ وتی جاہ ءَ انگت اِے سلکاری دیم ءَ برگ بوگ ءَ اَنت۔

مئے وانگی کتاب جاہ نوکیں دور ءِ ٹیکنالوجی ءُ آسراتیاں چہ یکسر ءَ زبھر اَنت ءُ نہ کہ مئے مھلوک ءَ را آدگہ آسراتی دیگ بوّگ ءَ اَنت۔ بس وھدے گچینکاری کہ بیت گُڑا ووٹ ءِ پِنڈگ ءَ بازیں نامینتگیں وزیر ءُ گزیر کاینت ءُ وڑ وڑیں دروگ ءُ ھنر ساز اَنت ءُ چہ مھلوک ءَ ووٹ گِر اَنت پد ءَ کسّے آیاناں پہ چم نہ گِندیت کجا شت اَنت


بلوچ راج ءِ نودربر بازیں اڈ ءُ جنجالانی دیمپان اَنت۔ زر ءُ مالی جاور بہ بنت، وانگی کتاب جاھانی وتسری بہ بنت ھر پڈ ءَنودربر ڈالچار کنگ بوّگ ءَ اَنت۔ بازیں گْونڈویے زرّی ءُ مالی ءُ نیستگاری ءَ چہ الم ءُ زانت ءِ دربرگ ءَ زِبَھر اَنت ءُ آ چہ کسانی ءَ پوریاگِری ءُ مزّوری ءَ وتی زند ءَ گْوازینگ ءَ اَنت۔ باز کم وش بھت ھست کہ آیانی مات ءُ گْوھار کِراھی ئیں گُد دوچی کن اَنت وتی گْونڈواں شھدربرجاہ ءَ وانگ ءَ دیم دینت۔ سرکار ءِ نیمگ ءَ تنگ دست ءُ بزّگیں نودربرانی واست ءَ اسکالرشپے ھم نہ رسّ اِیت دانکہ آ پہ وت ند ءُ وانگی یے بہ گِر اَنت ءُ آیانی کوپگ ءِ بار کمو سُبَک بہ بیت۔ اگاں کمو پیش اسکالرشپے کیت گُڑا آ ایوک ءَ پہ میر ءُ متبرانی زھگانی واستا اَنت گریب ءُ بزّگ اے اسکالرشپ ءِ زرّاں پہ چم نہ گند اَنت۔

اے گپّ ءَ چہ ابید وانگی کتاب جاھانی تہ ءَ اڈ ءُ جنجال انچش گیش ءَ چہ گیش انت کہ بلوچ نودربر کتاب ءُ ند ءِ بدل ءَ روڈ ءُ دگّانی سر ءَ زھرشانی کنگ ءَ لاچار اَنت۔ ھمے کمو ءُ پیش کہ نودربر باریں چے پیم ءَ شھدربرجاھاں اتکگ ءُ وت ءَ پہ وانگ ءَ سر اِش کُرتگ بلے آ اد ءَ ھم چہ وانگ ءُ الم ءِ دربرگ ءَ زبھر اَنت۔

وھدے چم پچ ءُ سرپدیں وانندھے کہ وتی راجی اُگبالانی بابت ءَ گپ ءُ توارے چِست کنت گُڑا ووٹ پنڈ ءُ میر ءُ متبر آئی ءَ را گنوک ءُ ابدال گش اَنت ءُآئی ءِ ھاموش کنگ ءِ ھاتر ءَ وڑ وڑیں ھنر ساز اَنت۔ بلے بژنیگیں گپ ایش انت کہ مروچی ھما کہ وت چہ پارلیمانی مھلوک ءَ چہ جتا ءُ سرپدیں مھلوکے سرپد بنت بلے آ ھم مروچاں وتی زات ءَ چہ در نیا اَنت ھر یکّے وت ءَ برز لیکیت ءُ دومی ءَ جھل جنگ ءُ بے توار کنگ ءِ جھد ءَ کنت۔ ھمے گیر سیاسی ءُ نپ ءُ پائیدگ دوستیں مردمانی سوَب ءَ بازیں نودربر مایوس بوگ ءُ بے توار بوّگ ءَ اَنت چُشکہ اِے یک بلاھیں تاوانے اگاں مردم بہ جْیڑیت۔

اِےکُلّیں جْیڑہ وتسر ءَ گِش ءُ گیوار نہ بنت ایشانی گِْش ءُ گیوار کنگ ءِ واستا کلّیں نودربراناں یکمشت بوگی اِنت۔ ھما مردم کہ آ مارا یکمشتی ءَ نیل اِیت ءُ مئے میان ءَ دوری ءُ گستائی ودی کنت گُڑا ما الّم چُشیں مردماناں وتی میان ءَ جاگہ مہ دنت۔ پرچا کہ تپاکی ءِ پروشوک ءُ مزن شان ءُ بادشاھی لوٹوکیں مردم اَنت۔ مروچی ھمیشانی سوَب اِنت کہ روچ پہ روچ مئے اڈ ءُ جنجال گیش ءَ چہ گیش بُوّان اَنت۔

لطیف سخی آوارن ءِ ایگ انت ءُ لسبیلہ یونیورسٹی ءِ نودربر انت ءُ نودربرانی جھیڑءُ جنجالانی سرءَ وتی ھیال ءَ جوانیگ درشاں کنت۔۔
ٹیگز
Show More

متعلقہ خریں

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Close
Close